आटपाडीत अवैध वाळू तस्करीवर महाराष्ट्र नवनिर्माण सेनेचा घणाघात! आटपाडीत वाळू माफियांना अभय कोणाचे?; मनसे शेतकरी सेनेचा थेट सवाल!व्हायरल व्हिडिओची उच्चस्तरीय चौकशी करा; संबंधित ग्राम महसूल अधिकारी, कोतवाल व कर्मचाऱ्यांना तात्काळ निलंबित करा – प्रकाश गायकवाड यांची मागणी, अन्यथा तीव्र आंदोलनाचा इशारा आटपाडी प्रतिनिधी ; आटपाडी तालुक्यात सुरू असलेल्या कथित अवैध वाळू तस्करीच्या प्रकरणाने आता राजकीय आणि प्रशासकीय वर्तुळात खळबळ उडवली असून, महाराष्ट्र नवनिर्माण सेना, शेतकरी सेनेचे सांगली जिल्हा उपाध्यक्ष प्रकाश आबासो गायकवाड यांनी या प्रकरणाची उच्चस्तरीय चौकशी करून संबंधित ग्राममहसूल अधिकारी, कोतवाल व कर्मचाऱ्यांवर तात्काळ कारवाई करण्याची मागणी केली आहे. याबाबत जिल्हाधिकारी, प्रांताधिकारी आणि तहसीलदार यांना सविस्तर निवेदन देण्यात आले आहे. निवेदनात म्हटले आहे की, आटपाडी तालुक्यातील विविध नदीपात्रांमध्ये गेल्या अनेक महिन्यांपासून जेसीबी, ट्रॅक्टर आणि डंपरच्या सहाय्याने मोठ्या प्रमाणात अवैध वाळू उपसा सुरू असून शासनाचा लाखो रुपयांचा महसूल बुडवला जात आहे. रात्रीच्या अंधारात सुरू असलेला हा प्रकार सर्वश्रुत असतानाही संबंधित यंत्रणेकडून प्रभावी कारवाई होत नसल्याने नागरिकांमध्ये तीव्र नाराजी आहे. व्हायरल व्हिडिओने वाढवला संशय..... काही दिवसांपूर्वी सोशल मीडियावर व्हायरल झालेल्या एका व्हिडिओने या संपूर्ण प्रकरणाला वेगळेच वळण दिले आहे. संबंधित व्हिडिओमध्ये नदीपात्रात प्रत्यक्ष जेसीबीद्वारे वाळू भरली जात असल्याचे दिसत असल्याचा दावा करण्यात आला आहे. त्याचवेळी महसूल विभागाचे वाहन घटनास्थळी पोहोचल्याचेही दिसते. मात्र, वाळू तस्करांवर कठोर कारवाई करण्याऐवजी त्यांना अभय दिले जात असल्याचा संशय निर्माण करणारी दृश्ये या व्हिडिओत असल्याचे निवेदनात नमूद करण्यात आले आहे. कोतवाल गोरख जावीर यांच्या भूमिकेवर प्रश्न..... निवेदनात व्हिडिओमध्ये कोतवाल गोरख जावीर हे स्पष्टपणे दिसत असल्याचा दावा करण्यात आला आहे. वाहन चालवितानाही तेच दिसून येत असल्याचे म्हटले गेले आहे. तसेच वाहनामध्ये ग्राममहसूल अधिकारीव इतर शासकीय कर्मचारी उपस्थित असण्याची शक्यता व्यक्त करण्यात आली असून, या सर्वांच्या भूमिकेची सखोल चौकशी करण्याची मागणी करण्यात आली आहे. मनसे शेतकरी सेनेने उपस्थित केलेल्या प्रश्नांमुळे महसू