सांगली जिल्ह्यातील अत्यंत गाजलेल्या पत्नी खून प्रकरणात विटा येथील अतिरिक्त जिल्हा व सत्र न्यायालयाने ऐतिहासिक निकाल दिला आहे. पत्नीला पेट्रोल टाकून जिवंत जाळत खून करणाऱ्या आरोपीला न्यायालयाने मरेपर्यंत फाशीची शिक्षा सुनावली आहे. विशेष म्हणजे सांगली जिल्ह्यात अशा प्रकारची ही पहिलीच शिक्षा असल्याचे सांगण्यात येत आहे. � आरोपीस सुनावली मरेपर्यत फाशीची शिक्षा.pdf व्हॉईस ओव्हर : खानापूर तालुक्यातील भुड गावात ७ जून २०२१ रोजी ही थरारक घटना घडली होती. कौटुंबिक वादातून आरोपीने आपल्या पत्नीवर पेट्रोल ओतून तिला पेटवून दिले. त्यानंतर तिच्यावर चाकूने वार करून गंभीर जखमी केले. उपचारासाठी दाखल करण्यात आलेल्या महिलेचा ११ जून २०२१ रोजी मृत्यू झाला. त्यानंतर पोलिसांनी या प्रकरणाचा सखोल तपास करून न्यायालयात दोषारोपपत्र दाखल केले. � आरोपीस सुनावली मरेपर्यत फाशीची शिक्षा.pdf सरकारी पक्षाने न्यायालयात एकूण १७ साक्षीदार तपासले. मयत महिलेचा मृत्यूपूर्व जबाब, प्रत्यक्षदर्शी साक्षीदार आणि इतर भक्कम पुराव्यांच्या आधारे न्यायालयाने आरोपीला दोषी ठरवले. त्यानुसार भारतीय दंड संहितेच्या कलम ३०२ अंतर्गत आरोपीला मरेपर्यंत फाशीची शिक्षा आणि एक लाख रुपयांचा दंड सुनावण्यात आला आहे. दंडाच्या रकमेतून ८० हजार रुपये पीडितेच्या मुलीस नुकसानभरपाई म्हणून देण्याचे आदेशही न्यायालयाने दिले आहेत. � आरोपीस सुनावली मरेपर्यत फाशीची शिक्षा.pdf अँकर आऊट्रो : या निकालामुळे गंभीर स्वरूपाच्या गुन्ह्यांमध्ये कठोर शिक्षेचा स्पष्ट संदेश गेला असून, सांगली जिल्ह्याच्या न्यायालयीन इतिहासात या निर्णयाची महत्त्वपूर्ण नोंद झाली आहे. � आरोपीस सुनावली मरेपर्यत फाशीची शिक्षा.pdf